Kutaman yo’llaringga boqar ko’zlarim,
Seni unitmoqlik bo’lgandek ro’yo.
Dunyoda yo’qdirsan kutganim bilan,
Hayolan qachondir kelarsan go’yo.
Topolmasligim bilaman ammo,
Izlab to’xtamasman olamda seni.
Bilaman muxabbat emasdir ro’yo,
Izlashdan to’xtamas hayolim meni.
Yo’qligingni anglab, bilib yetsamda,
Hayolan qalbimda bordirsan abad.
Chekinmay ro’yoga boraveraman,
Chunki hayolimda yashaysan har vaqt.
Men uchun emassan emassan ro’yo,
Doimo yaqindir bu qalblarimiz.
Sen uchun yasharman umrbod izlab,
Ro’yo emasdirki ishq dardlarimiz.
|