Tengim boshqa dedi yor,

Topdim desam tengimni.

Marg’ilonlik bir dildor,

Tortib oldi yorimni.

Kulgu ketmay ko’zimdan,

Oqar bo’ldi ko’zyoshim.

Ko’z – ko’z qilib baxtini,

Yoqar bo’ldi kundoshim.

Nima bo’ldi bek yigit,

Bekangizga qarash yo’q?

Kumushdan ming o’rgulib,

Zaynabdan xol sorash yo’q.

Taqdir derdim, shum taqdir,

Ko’nglim ko’nsa – kuymasdim.

Begim, sizni men axir,

Kumushdan kam suymasdim.

Qolsam – dardim bir dunyo,

Ketsam - bir uy ko’chim bor.

Kumushoyni keltirgan,

Aravada o’chim bor.

                                                Muhammad Yusuf